monumenta.ch > Seneca Maior > sectio 18
Word Selection for Searching
Report an Error in this Sectio
Seneca Maior, Controversiae, 2, 1, 18
FUSCI ARELLI patris. Facilius possum paupertatem laudare quam ferre. Quid mihi Phocionem loqueris, quid Aristiden? tunc paupertas erat saeculi. quid loqueris Fabricios, quid Coruncanios? pompae ista exempla fictilibus fuerunt diis. facile est, ubi non noveris divitias, esse pauperem. Quod vos liberis vestris optatis, ego meo impero.